بعد ٣ سنين فتحت ال blog حقي لانو حاسه انو عندي كلام ابغى اكتبو اشياء محتاجه اقولها واشياء ابغى اتفلسف فيها بعدين اللاقي الblog اللي سوتو لنا ابلتنا اللطيفه كمشروع للمادة حقتها .. في شعور مره غريب جاني وانا اقرا واشوف اسماء البنات اللي كانو معايا فالفصل ..حقيقي كانت سنه جميله .. بالنسبه ليا .. اتعرفت على الطف البنات وجربت اشياء كثيره خلتني اعرف انا مين ابغى اكون وايش التخصص اللي ابغى ادخلو وصراحتن م احس اني كنت رح اعرفو لو م اعطتني ابلة عايشه الفرصه اني اجرب واسوي للبنات عرض بسيط عن الثقه بالنفس .. حتى لو كانت ثقتي بنفسي مهي قويه وحتى لو كنت اشك بنفسي وبقدراتي دايمن بس كل م افتكر شعوري وانا واقفه قدام البنات وكيف كانت نظراتهم وكيف بعضهم بكيو حتى احس انو هذا لحالو دافع ليا عشان اكمل واوصل للشي اللي انا ابغاه .. كنت انسانه محطمه نفسيا وانا واقفه قدامهم  .. مني انسانه قويه بس اني تركت كل شي بيسير ف حياتي وكل شي سيء ومتعبني وركزت على العرض اللي بااسويه لهم والاشياء اللي رح اكتبها لهم وكنت اتمنى انو ردة فعلهم حتبسطني وحتخرجني من الشي اللي انا فيه .. وفعلا هذا اللي حصل .. سارت من ثلاثه سنين بس افتكرها كاانها امس .. حقيقي كان يوم مهم ف حياتي وانا مره مبسوطه لاني سويت اللي سويتو ..
اتخرجنا من المدرسه وكل وحده فينا قاعده تحاول تبني مستقبلها دحين .. للاسف انقطع التواصل بيني الاغلب بس مو الكل الحمدلله .. للابد انا ممتنه لاني عرفتهم وللابد انا ممتنه لابله عايشه بسبب الفرصه اللي اعطتني اياها وكمية الطاقه الايجابيه اللي زرعتها فيا .. شكرا لكم وي رب انو كل وحده فيكم مبسوطه قد الدنيا والكون دحين ..

احبكم
رؤى